Vawiin chawhnu dar 1:30 khan Serchhip ah Mizoram State Tobacco Control Society chuan Serchhip NGO hrang hrang hruaitu te tan Sub-Headquarters YMA Office, Serchhip ah training a buatsaih a, he hun hi Pi Vanlalzari, District Coordinator, MSTCS in a hmanpui a ni.

Vawiin Training ah hian vaihlo that lohna hrang hrang bakah Vaihlo Khuahkhirhna Dan – COTPA chipchiar taka zirho a nih bakah Mizoram chhung District hrang hrang ten Vaihlo khuahkhirhna dan an zawm that dan zirchianna “Compliance Study” a ni bawk a, he Study in a tarlan dan hian Serchhip District chu COTPA dan zawm kawngah an ti tha thawkhat hle a, Puipunna a meizu an awm leh awm loh tehna ah phei chuan an titha hle a ni. Hei bakah hian Global Adult Tobacco Survey 2009-10 in Vaihlo hman kawnga Mizoram dinhmun hrang hrang a tarlan te zirhona neih niin he survey in a tarlan dan chuan Mizo mipui te chu India rama vaihlo hmang hnem ber niin mipui za a 67 (67%) lai in vaihlo kan hmang mek a ni. Hei bakah hian GATS - 2nd Phase kan hma lawka kan hmachhawn leh tur atan inpuahchahna tha neih dan tur sawiho ani bawk a ni.