2545/2024-2025

Aizawl the 16th October, 2024 : Mizoram Sawrkar chuan vawiin Dt. 16.10.2024 hian Pi C. Zodinpuii D/o Lalrinliana(L), Durtlang, Aizawl chu Chairperson, Mizoram State Commission for Women atan a ruat.

Pi C. Zodinpuii hi thiamna lamah MSW, (Family & Child Welfare Specialization), TATA Institute of Social Sciences, Mumbai atanga zir zo a ni a. Sawrkar hna a thawh laiin Social Welfare Department hnuaiah hna hrang hrang heng - Case Worker, Remand Home Superintendent, Residential Institute Training Centre (RITC), Durtlang ah te lo awm tawhin, Directorate of Social Welfare & Tribal Affairs-ah Joint Director in dt. 31.12.2023 ah pension in a chhuak a ni. Pi C. Zodinpuii hi Protection of Women from Domestic Violence Act, 2005 ah Master Trainer a nih bakah Protection Officer in a lo awm tawh bawk.