2799/2024-2025

Aizawl, 1st November, 2024 : The Mizoram Stenographers’ Service Association (MSSA) chuan vawiin khan I & PR Conference Hall, Lianchhiari Run ah a vawi 49-na atan Annual Conference 2024 an hmang.

Mizoram Stenographers Service Association hi kum 1975 khan din a ni a. Kumin hian a kum 49 hman a ni. MSSA hian an motto “Honesty & Sincerity” hmangin member kalkhawmte infuihna hun an hmang a ni.

MSSA Annual Conference ah hian President nilai Pi Daphne Zosangpuii chuan thu sawiin Mizoram Sorkar hnuaia Stenographer hna chelh te tan Stenography hna piah lamah Personal Assistant (PA) leh Private Secretary (PS) hna pawimawhna sawiin, Sorkar hna lian chelhtute thachhangdawltu pawimawh tak an nih thu a sawi a. PA leh PS tel lova Sorkar hna lian chelhtuten harsatna tam tak an tawh theihte sawiin, theihtawp chhuaha Sorkar leh Mizoram tan an hna ngaipawimawh theuh turin Association member kalkhawmte a chah a ni.

MSSA Annual Conference 2024 programme hi session hnih (chawhma leh chawhnu) a then a ni a. Chawhma ah Annual Report leh an member kaisangte lawmpuina hun leh in fuihna hun hman a ni a. Chawhnu ah Inthlanpui neiin Kum (2024-2026) chhunga Association hruaitu thar thlanna hun an hmang bawk. Hruaitu thar thlan hi kum 2 danah neih thin a ni.

Association ah hian member mi 200 vel an awm mek a ni.