Vawiin khan Sports Director Pu Lalzirmawia Chhangte chuan Imphal, Manipur-a zawh tak National Senior (Poomsae & Kyorugi) Taekowndo Championship-a medal late lawmpuina thingpui a inpui. Lawmpuina programme hi Pu Thankhuma, YWO SYS in kaihruai a, Pu Joseph Thansanga’n Competition Report a pe bawk.

Sports Director chuan hlawhtlinna chang te chu thinlung taka a lawmpui thu sawiin, tumruhna leh huaisenna nen an game te hma chhawn turin a fuih a. Taekwondo team leh SYS Adventure te tan rilru leh taksa inpuahchahna hun siam tum a nih thu a sawi bawk.  Pu Lalremsanga, Chief Coach, Pu Vanlalliana, SAO leh Pu Vanlalsawma, MATA Sr.Vice President ten fuihna thu an sawi bawk.

Mizoram team te hian Gold 3, Silver 1 leh Broze 4 an la a, Poomsae inelna bikah a pumpuiah 3-na niin, Kyorugi (fighting)-ah hmeichhe team hi National Games 2014 a neih turah an qualify a ni.

Medalist-te hi National Coaching Camp, October atanga neih turah koh nghal an ni a. An tling chho zel thei a nih chuan 2014 Asian Games-aIndiaram aiawh tur a thlan an ni ang.  

Heng bakah hian SYS Mountaineer pahnih R. Zothanmawia, Republic Vengthlang leh Zoramsanga, Maubawk te lawmpuina neih a ni bawk a. R. Zothanmawia hian Indo-Swez Expedition Mt. Thelu (6005 m) leh Mt.Koteshwar (6395 m) leh Alpine Trial Chennai Expedition Mt. Hanumantibba (5985 m) Hilamayan Range a mi te chu hlawhtling takin a lawnchhuak a. Zoramsanga hian Indian Mountaineering Foundation buatsaihah Mt. Kuchela Dunga (6294 m), tuma la lawnchhuah loh chu a lawn chhuak bawk a ni. 

Mizoram Taekwondo Team-te medal dawn dan chu:

Category               Gold                     Silver                    Bronze

Poomsae               2                           1                           2

Kyorugi                 1                           -                            2