Vawiin khan Serchhip DC Meeting Room ah kumin MLA Election lo awm tura Serchhip District chhunga Sectoral Magistrate tura ruat te tan training buatsaih a ni.

Vawiin Training hi District Bawrhsap, District Election Officer ni bawk Pi Juhi Mukherjee, IAS chuan hmanpuiin Sectoral Magistrate te chu Election Commission of India kut-ke pawimawh tak an ni a, inthlanna dik, felfai leh thianghlim nei anih theihna tura an mawhphurhna te chu tha taka an hlenchhuah a ngai a ni a ti a; an Sector chan theuh huamchhunga Polling Station te leh mipuite dinhmun hrechiang tura chah in harsatna awm apiang te a rang thei ang bera a hnen thlen thin turin a chah bawk a ni.

Sectoral Magistrate hi Serchhip District chhunga Assembly Constituency pathum atan mi 10ruat an ni a, engemaw thulha hman turin substitute Sectoral Magistrate atan mi 2 ruat an ni bawk; vawiinah hian Electronic Voting Machine (EVM), Election Expenditure Monitoring, Model Code of Conduct, Conduct of Poll leh Election Offences chungchangah Training pek an ni a, Training hi Pu Lalsangliana,MCS, Addl. DC, Pu Lalhmansanga, MCS, E.O., leh Pi B. Malsawmtluangi, MCS, SDC ten an pe a ni.

Serchhip District chhunga Assembly Constituency pathuma Sectoral Magistrate tura ruat mi 10 te chu heng ahnuaia mi te hi an ni : 1. C.Lalthuamliana, SDEO, Thenzawl : Thenzawl Sector [26-Serchhip (ST)] ; 2. H.Rongura,Supdt. of Excise & Narcotics, Serchhip : Serchhip   Sector  [26-Serchhip (ST)];  3. C. Lalliantluanga, Asst. Professor, Govt. Serchhip College : Serchhip   Sector [26-Serchhip (ST)];  4. Vanlalvuana, SDO, PWD, Serchhip : Chhiahtlang Sector [27-Tuikum (ST)] ; 5. LalmalsawmaRalte,Asst.Professor,Govt.Serchhip College :Chhiahtlang Sector [27- Tuikum (ST)] ; 6. S.T.Lalhmingmawia, DLAO, Serchhip : Baktawng Sector [27-Tuikum (ST)];  7. Dr. C.Vanlalnghaka, Asst.Professor, Govt.Serchhip College : Chhingchhip Sector [27-Tuikum (ST)];  8. C.Lalthanzira, DPC, SSA   : Khawlailung Sector   [28-Hrangturzo (ST)] ; 9. Malsawmdawngliani, SDO, PWD, N.Vanlaiphai : N. Vanlaiphai Sector [28-Hrangturzo (ST)] ; 10. Lalnunthari, CDPO, E. Lungdar : E. Lungdar Sector  [28-Hrangturzo (ST)]

Substitute Sectoral magistrate atan heng mi te hi ruat an ni bawk : 1. V.L.Para, DFO, North Vanlaiphai ; 2. Lallianzuali Bawihtlung, SDEO, Serchhip.