Kolasib DC & District Electoral Officer Pu R. Lalramnghaka hovin vawiin khan a office chamber-ah General Election lo awm tur atana din Media Certification & Monitoring Committee (MCMC) an thu khawm.

Pu R. Lalramnghaka chuan Inthlanpui kan hma lawka awm tur atana inpuahchahna fumfe taka kanlo neih hi thil tul tak a niin Election Commission of India duhdan pawh a ni, a ti a. Election puan a nih rual ruala kan tihtur awm apiang te kan luhchilh nghal theih nan member tinten kan hriat tur te chu uluk takin kan zir tur a ni, a ti a ni.

Vawiina meeting-ah hian MCMC tihtur thil hrang hrangte zir ho a ni a. Candidate-in ama hamthatna tur leh dikhlel deuhva mipui rimna thil ang chi te Media, print leh electronic hmanga vawrh lar theih chi te chu he Committee hian uluk takin a vil dawn a. Election Commission of India-in sum hmanga vote lei leh candidate te sum hman diklo (money power) tih tawp a tumna chu a hlawhtlin theih nan Media hmanga inleina (paid news) ang chi reng reng khap tlat a nih avangin Committee chuan a vil reng dawn a. Candidate ten campign nana media an hman dan chu a thlithlai reng dawn a ni.ECI duhdan angin inthlan puan a nih veleh DC office-ah mipuiin complaint an neih apiang te an thlen theih nan Call Centre dah a ni dawn a. Hetah hian telephone, a phone tu tena pawisa chawi ngailo (toll free) dah a ni dawn a ni.

Meeting-ah hian Model Code of Conduct pawh thlir ho a ni a, mipuiin an hriat tur ang te chu zau zawka la in hriattir thin nise an ti bawk a ni.