December ni 10, 2011 (Inrinni) khan North Eastern Development Finance Corporation Limited (NEDFi) in Mizoram tan Hmarchhaka Business Facilitation Centre (BFC) hmasa ber an din chu Industries Secretary Pu R L Rinawma IRS in a hawng.
Business Facilitation Centre hi sumdawnna lamah tui mi (entrepreneurs) ten sumdawnna an tan theih tura puitu leh kaihruaitu a nih bakah project siam dan leh buatsaih dan zawng zawng kimchang kawhhmuhtu a ni a. he Centre kaltlang hian hmarchhak biala sumdawnna tenau chi hrang hrangte khaichhuah leh tih changtlun tum a ni. Mahnia eizawnna bultan tum thalaite tan he ruahmanna hi a bik takin a tangkai hle tura beisei a ni.
He Centre hawnna inkhawmah hian DEDFi CMD, Guwahati Pu B. Paul Muktieh bakah state sorkar officials engemawzat, bank hrang hrang aiawhte leh sumdawng mi thahnem tak an tel a ni.
