Vawiin chawhnu khan Mizoram Powerlifting Team te chuan an Trophy rawn hawn te nen Governor Kummanam Rajasekharan an hmu a. Mizoram Team te hi February 24 a tiak ta, East India leh Northeast India Powerlifting Championship, 2019, Guwahati a team Champion te an ni a. Team Member zingah hian Best Lifter, Abraham Lalthakima pawh a awm bawk a ni.

Governor chuan Mizoram Team leh MSSC hruaitute chu infiamna huang chhunga hmalakna hrang hrangte a lo sawipui a. Mizoram Team te a lawmpui thu sawiin Governor chuan Mizo te chu training neih hma hauh pawhin infiamna huangah chuan a khawr lo tawka thei an ni deuh vek a. Training tha zawk leh kaihruaitu hnuaiah chuan infiamna khawvelah sang tak thleng turin theihna an nei a ni a ti. Mizoram infiammite hmasawn duhsak bertu zinga mi a ni tih a sawi a. A theihna zawnah tanpuina emaw a kawng zawn pui tur pawhin a inpeih reng thu a sawi a ni.

Pu C.Laltlanthanga, Secretary, Mizoram State Sports Council(MSSC) leh Pu Samuel Vanlalhriata GS Mizoram Powerlifting Association(MPA) leh Pu Lalhlimpuia President ten Mizoram team hi an rawn tawiawm a. Mizoram Powerlifting Association te chuan an hmalakna hrang hrang leh an hmahthlir te an sawi a. Tokyo khawpuia Olympic lo awm turah Mizo 3 aia tlemlo weightlifting bikah chuan an tel theih a beiseiawm tih an sawi a. Tun thla tawp a neih tur, pachak ber  zawnna, Mizoram's Strongest Man, 2019-ah Governor chu khuallian atan an sawm nghal a ni.