Mizoram Tourism Promotion Committee din thar chuan a vawikhatna atan nimin khan an Chairman Pi Manisha Saxena, Commissioner & Secretary, Tourism hovin a office chamber-ah an thukhawm.

Pi Manisha Saxena chuan meeting agenda sawilangin Tourism in hma a sawn theih nan committee chu din anih thu a sawi a. Tourism Department chauh nilo Department dangte nena tanghova khualzin mite hip theih dan tur kan ngaihtuah tlan a hun a, Mizoram hi khualzin hip turin a ramin a zir tawk hle a ni, a ti.

Art & Culture, Industires, Fisheries, Agriculture bakah Horticulture te, I & PR leh NLUP te nan tangrualin Tourism tih hmasawn dan tur committee ah hian zau taka sawi a ni a. A bultan nan Aizawl hmun remchang lai Millenium Centre-ah emaw cultural evening neih nise, a tirah thla khata vawikhat emaw neiin a tul anga a aia zing deuha tihzui nise an ti a. Member tin ten hmachhawp leh ruahmanna thar ngaihtuah a la thlir ho leh nise an ti a ni.

Art & Culture Department hnuaia Museum leh thildangte pawh khualzinte an entlaka tih changtlun a, souvenir shop te pawh siam tura ruahman ni thei se, tih te leh Horticulture in pangpar leh thlaihuan changtlung tak zin mite tlawh tur buatsaih se, chutiang bawkin kutthemthiam thil te pawh Industries lamin Tourism nen tangkawpin buatsaih se tihte leh Lengpui Airport ah pangpar leh thildang zinmite lei theih tur zawrhna stall dah ve nise tih te meeting-ah hian rel a ni bawk.