July ni 22, 2009 a Mizoram Trade & Investment Conclave neih tur thlir lawkna leh ruahman lawkna neiin vawiin ni 17.7.2009, 10:00Am hian Pu Lalrinliana Sailo, Minister, Trade & Commerce chamber-ah meeting neih a ni a. Parliamentary Secretary bakah sawrkar department 22 atangin Secretaries-te leh Senior Officer 30 zet an tel.

Pu Lalrinliana Sailo chuan thu sawiin he ‘Mizoram Trade & Investment Conclave’ hian kan ram leh hnam tana rah tha a chhuah ngeina tur leh hlawhtling taka hman a nih theihna turin mimal tin te kan mawhphurhna leh kan chanvo theuh felfai taka tih a tul thu a sawi a. Ram pawn - Myanmar leh Bangladesh leh State dang atanga palai lokal turte mawihnai leh tha thei ang bera lo dawnsawn ni thei se a duh thu a sawi. He meeting hian meeting hmasa lama programme lo duan lawk tawh leh hmalak tawh dan te ennawn in, hmathar lakna tur kawng hrang hrang a ngaihtuah bawk a ni.