Nimin khan Kolasib D.C. Conference Hall-ah naupangte dikna chanvo leh naupang hna thawh luih tir (child labour) chungchanga danin a humhalh dan inhrilhhriatna, Awareness programme neih a ni.
District Legal Services Authority, Kolasib leh State Legal Service Authority tangkawpin an buatsaih he inhrilhhriatna hun hi D.C. Pu Dawngliana chuan khuallian niin a hmanpui a. Kolasib District Legal Services Authority in an buatsaih ‘Naupangte dinhmun leh dan-in a humhalhna’ tih lehkhabu phek 64-a chhah chu mitin chhiar theih turin a tlangzarh nghal a ni.
Thuchah sawiin Pu Dawngliana chuan, naupangte hmakhua hi sawrkar laipuiin a ngai pawimawh hle a. Tun dinhmunah Mizoramin harsatna la tawk lem lo mah ila kan ram economic dinhmun hniam avangte, kan ramah Cachar, Manipur leh Burma mi rawn lut bakah Bru te pawh an tam a. Heng avang leh retheihna avangte in ram chhung hmun danga an tawn ang naupang chhawr luih (child labour) te pawh kan la hmelhriat chhoh tur thil a ni, a ti a. Naupangte dikna chanvo humhalh kawnga tan lakna ah nasa taka thawh ho a tul a ni, a ti a ni.
Pi Lallianpuii, District Information & Public Relations Officer-in inkhawm hi a kaihruai a. Dr. H.T.C. Lalrinchhana, Secretary, DLSA, Civil Judge Kolasib chuan kamkeuna thu sawiin Child Right zirho tura sawm te chu khawtlanga mi pawimawh leh a taka hrilh hretute an nih avangin chik taka zir tlang turin a sawm a. Hemi hnua Child Right chungchang zirtirna a pekna ah naupang dikna humhalh kawnga Corporal punishment, nu leh pa te leh sikul lamah te pek danin a khap tlat tih a tarlang a. Sawihona atangin naupang baihvai chhawmdawlna tur Home Kolasib-a a awmlo chu harsatna a siam thin tih tarlan a ni bawk.
Pu R.Malsawmdawngzuala, MJS chuan Child Labour chungchang leh Juvenile Justice Act 2000 chungchang a sawi a. Naupang chhawr luihin khawtlanga nghawng tha lo a neih theih dan Pi Happy Laldingliani, MHIP Sub-Hqrs. Vice President chuan a sawi bawk a. Pi C.Duhveli, CDPO chuan programme khaikhawmna hun hmangin sawrkar duhdan angin naupang kum 6 an tlin hma chu ziak leh chhiar zirna sikul (formal-education) chhawp sak rih loh nise, a ti a ni.
Pu S.Lalhmachhuana, Conciliator, Lok Adalat & President, MJA chuan lawmthu sawiin inkhawm hi a khar a ni.
Thuchah sawiin Pu Dawngliana chuan, naupangte hmakhua hi sawrkar laipuiin a ngai pawimawh hle a. Tun dinhmunah Mizoramin harsatna la tawk lem lo mah ila kan ram economic dinhmun hniam avangte, kan ramah Cachar, Manipur leh Burma mi rawn lut bakah Bru te pawh an tam a. Heng avang leh retheihna avangte in ram chhung hmun danga an tawn ang naupang chhawr luih (child labour) te pawh kan la hmelhriat chhoh tur thil a ni, a ti a. Naupangte dikna chanvo humhalh kawnga tan lakna ah nasa taka thawh ho a tul a ni, a ti a ni.
Pi Lallianpuii, District Information & Public Relations Officer-in inkhawm hi a kaihruai a. Dr. H.T.C. Lalrinchhana, Secretary, DLSA, Civil Judge Kolasib chuan kamkeuna thu sawiin Child Right zirho tura sawm te chu khawtlanga mi pawimawh leh a taka hrilh hretute an nih avangin chik taka zir tlang turin a sawm a. Hemi hnua Child Right chungchang zirtirna a pekna ah naupang dikna humhalh kawnga Corporal punishment, nu leh pa te leh sikul lamah te pek danin a khap tlat tih a tarlang a. Sawihona atangin naupang baihvai chhawmdawlna tur Home Kolasib-a a awmlo chu harsatna a siam thin tih tarlan a ni bawk.
Pu R.Malsawmdawngzuala, MJS chuan Child Labour chungchang leh Juvenile Justice Act 2000 chungchang a sawi a. Naupang chhawr luihin khawtlanga nghawng tha lo a neih theih dan Pi Happy Laldingliani, MHIP Sub-Hqrs. Vice President chuan a sawi bawk a. Pi C.Duhveli, CDPO chuan programme khaikhawmna hun hmangin sawrkar duhdan angin naupang kum 6 an tlin hma chu ziak leh chhiar zirna sikul (formal-education) chhawp sak rih loh nise, a ti a ni.
Pu S.Lalhmachhuana, Conciliator, Lok Adalat & President, MJA chuan lawmthu sawiin inkhawm hi a khar a ni.
