No.3445/2021-2022

Aizawl, the 17th December 2021: Vawiin chawhma khan Mc Cabe Hall, Aijal Club-ah Mizoram Treasury Accounts Service Association( MTASA) chuan General Assembly vawi 17-na an nei a. He hunah hian infuihtharna leh a dawrute tana remchang zawka Treasury Office te hnathawh dan tur te sawihona neih a ni.

Session hmasaber hi Pu R.C. Lalthangpuia, Sr Vice President, MTASA in a kaihruai a. He hunah hian Treasury Office a hnathawh chungchangah Account Officer te fuihna thu Pu C.Vanlalmawia, President, MTASA hnen atangin ngaihthlak a ni a. Secretary te hnen atangin report ngaihthlak a ni bawk.

Session hnuhnung lamah rorelna hun neih a ni a; MTASA hruaitu thar thlanna neih chhunzawm a ni. Report a tarlan dan chuan Treasury service recruitment rules peih fel a nih loh avangin rei tak chhung lak belh a ni lo a, an indaihlo hle a.Tunah hian Account Officer 49 leh Assistant Account Officer 29 an awm mek a. Assistant Account Officer post ruak hnawhkhah loh post 44 a la awm mek a ni.