Vawiin khan sipai officer 3 leh sipai 17 awmna, IGAR (East) Expedition Team, Assam Rifles chu Col. B.B. Pun, SM, CO 1 AR Bn. chuan India, Myanmar leh Bangladesh inri-na hmun, Mizoram chhimtawp bera khua, Parva atangin a vai liam a. Anni hian ni 27 chhungin Mizoram, Tripura leh Assam state chhunga hmunkilkhawr deuha cheng, mipui hnenah “Remna leh muanna, inpumkhatna leh faina” chungchang zirtirna an pe ang.

Vawiin khan Expedition Team chuan an zinchhuah tanna khua, Parva atanga hmarlama awm, Bungtlang South chu Tuichawng lui lawng hmanga KM 86 zawhchhova an pan hnuin KM 45 lirtheia kal lehin an thleng a. Bungtlang South khua ah hian VCP leh khawchhung mi ten lo hmuakin an ni hnenah hian hriselna, fai pawimawhna leh Sipai a hna awm thei te chungchangah zirtirna an pe nghal a. Expedition Team chuan state 3-a hmunkilkhawr lai te chu tin zawn deuh bikin mipui hnena zirtirna pek an tum a, an tlawh tur hmun leh khua te hi Lawng, lirthei leh ke a kal in an pan ang.