No.1384/2021-2022

Aizawl, 14th July, 2021 : Tun hnaia Hnahthial khua-a boruak tha lo awm anga pawl pahnih Mizoram Truck Drivers Association (MTDA) leh Village Level Task Force, Hnahthial North-I te inkara inhmuhthiam lohna awm chu vawiin khan chinfela tihtawp a ni ta.

Vawiin khan Pi Ramdinliani, Director, Food, Civil Supplies & Consumer Affairs kaihhruainain a office chamberah hemi chungchang hi heng pawl pahnihte hian sawihovin inremna thuthlung an ziak a, MTDA in Hnahthial-a buhfai leh thildang phurh an chawlhsan chu vawiin (July ni 14, 2021) atanga chhunzawm leh turin thu an titlu a, ngaihdam tul a ngaihna laiah an inngaihdam tawn thu ziaka dahin, tun hnuah hetiang thil duhawm lo hi a thlen tawh lohna tura hmalak ho rem an ti bawk a ni.