Vawiin chawhma khan Mizoram Upa Pawl (MUP)  General Headquarters Office Bearer te chu Raj Bhavan-ah lenglut in Governor Kummanam Rajasekharan an kawm a. Governor leh MUP hruaitute inkawmnaah hian kum upa zawkte hamthatna chungchang te bakah Mizoram mamawh thenkhat chungchangte sawiho a ni.

MUP hruaitute hi 8 an ni a; Pu RK Thanga, President, MUP leh Pu Lalhuapzauva, Vice President, MUP ten a ho a ni. MUP hruaitute chuan Old Age Pension scheme hnuaia beneficiary ten thla tina tanpuina an dawn leh an dawn zat pawh ennawn ngai nia an hriat thu te Governor chu sawipuiin hmalak sak turin an ngen a. February tla atanga tawp tur Jet Airways Service avanga thlawhna chuan man to tur chungchang leh Mizoram a nghawng dan tur te Governor hian sawipui a. Aizawl leh Guwahati inkar bakah Aizawl leh Delhi inkar kal tur te tana harsa nasa tak a thleng chho dawn a sawiin MUP hruaitute chuan Governor chu theihtawp chhuah turin an ngen bawk a ni.

Attachment

  • Loading attachment...