Pu Lalrintluanga Sailo Deputy Govt, Chief Whip, Bialtu MLA chuan a bial chhung khaw hrang hrang tlawhin fehchhuak mek.

Bialtu MLA Pu Lalrintluanga Sailo hian vawiin khan abial chhung khua W. Phaileng Dinthar Kawnah amah lo lawmtute hmaah thusawiin kar hmasa lama BRTF hotute a lo kawm tawh angin  Bialchhung kawng enkawl leh thawmthat a nih theihna tura hma an lo lak thu a sawi a, Mipuite chu kan inkalpawhna kawng pawimawh tak kawng enkawltute chu thiana siamin an hna thawhna kawhhmuh chu mipui mawhphurhna a nih tel thu a sawi. Politics hmanga inbeihna, inchirhthehna leh phuba lakna te bansana ram hmasawnna tura thawhpui turin a sawm a ni. A bial chhung khaw hrang hrang tlawhpui tura Sawrkar officials ten an tawiawmna ah lawmthu sawiin an mamawhte a hmuna enpuia, hma lak sak theitu an nih avanga sawm a nih thu a sawi bawk.

Bialtu MLA hian Ministry of Tribal Affairs kaltlangin W.Phaileng ah Market Shed Cum Multi Complex sak tura ruahman mek a ni a, Bial chhung mipuite chu a tha zawnga hmalam pan turin a sawm a bawk a ni. A bial chhunga Zirtirtu aikal lohtheih lova la te chu khawtlang hruaitute nena in be rawn leh an hriatpuina-a Zirnain hmasawnna hmel a hmuh theihna tura mithiam zawkte thlang chhuak turin leh an phu tawk ang ngeia hlawh tha tawk pek a pawimawh thu a sawi. MLA hian Phaileng Higher Secondary School tan Computer set a pe bawk a ni

Bialtu MLA lawmna inkhawm W. Phaileng Dinthar Kawnah neih hi Pu Victor Lalawmpuia SDO(civil) chuan a kaihruaia Pu Lalchhuanawma W. Phaileng VCP chuan lawmthu sawina a nei bawk.