Mizoram Upa Pawl Kolasib Sub-headquarters Assembly vawi 12 na chu vawiin khan Parrish Hall, Venglai Kolasib-ah hman a ni a, Kolasib bialtu MLA Pu PC Zoram Sangliana, Chairman MIFCO chuan Khuallian niin a hmanpui.

Inkhawmah hian Khuallian chuan Kum lama Upa zawkten awm awl mai tum lova, ram leh hnam tana thluak senga hma an la thin leh an insuihkhawm tlat chu fakawm a tih thu a sawi a. Upa Pawl te chu thalai te nunzemawi zirtir fo thin tur leh kawng kawhhmutu a tang zel tura chahin, ‘kan tu leh faten humsual an dai loh nan tan la thar sauh sauh ang u,’a ti a. Khuallian chuan MUP leh MHIP ten an Inpui sakna atan Rs.5lacs a pek bakah, Inkhawmpui hmanna atan Rs.20000/- a hlan bawk.

Vawiin inkhawm hi Pu C.Lianzuala, President MUP Kolasib Sub-headquarters in a kaihruai a. Pu HF Sena, Secretary MUP Kolasib Sub-headquarters tarlan danin Mizoram Upa Pawl (MUP) Kolasib Sub-headquarters huamchhungah hian MUP member 6613 an awm mek a. Nikum khan member 302 boralin, vawiin inkhawmah hian sunna hun hman a ni a. Chawhnuah hian rorel inkhawm neih niin, hruaitu thar thlanna an nei a ni.