No.3899/2021-2022
Aizawl, 4th February, 2022 : Vawiin chawhma dar 11:00 khan Mizoram Youth Commission Training Hall ah “ Livelihood Generation for Returned Migrants Workers due to pandemic outbreakCovid-19” NEC Phase II kaltlanga Mizoram Youth Commission buatsaih Cake Baking Training Course (Cake siam zirna) kharna hun (closing function) hman a ni a. He Cake Baking trainingna hmun atan hian Medhavi Foundation hman an ni.

He Closing function ah hian MYC Secretary Pu Donny Lalruatsanga, MCS chu khuallian niin thusawina hun leh Cake zaina (cake-cutting) na hun a hmang a ni. Pu Donny Lalruatsanga chuan Mizoram Youth Commission Chairman Dr. Vanlaltanpuia, MLA hmalakna leh thahnemngaihna zarah thalaite hian hmasawnna nasa tak kan hmu a ni tih hi a chiang hle a. Kum 2020 atanga hripuiin khawvel a tihbuai atangin Mizo thalai hna chan ta tam tak an awm teuh a, chungho dawm kanna tur atana hmalakna kan chairman kaltlang a kan neih zawng zawngte hi a ropui em em a ni,a ti a. MYC chuan Mizo thalaite tan hian theih tawp a chhuah zel dawn tih sawiin, Mizo thalaite tan MYC hi an tlukluhna hmun ni zel thei se an duh hle tih a sawi a, Cake siam zir chhuakte pawhin chhungkaw chawmna tlak a hma la chhun zawm zel tura taihmak chhuah tura chahin, MYC in an chungah beiseina sang tak a nei tih a sawi a ni.

He hunah hian Cake siam zir zo tate atangin zirlai 3 in thusawina hun hmangin, MYC hmalakna avanga eizawnna tur kawngthar an nei tur leh an harsatna hria a MYC ten chhawmdawlna an pe chu thinlung takin lawmthu an sawi a. MYC hmalakna chu Pathian rawngbawlna kawng pawimawh tak a ni tih sawiin Pathian leh MYC chung a an lawmzia an sawi lang a ni.

He training ah hian zirlai 20 te chuan tha takin an zirlai an zo thei a, zirlai te hi Cake bake na tur hmanraw pawimawh pek an ni a, chungte chu a hnuaiah hian tarlan a ni:

1) Oven OTG ( Morphy Richards)

2) Hand Mixture

3) Bread Mould

4) Baking Mould 7 inc

5) Baking Mould 8 inc

6) Baking Mould 9 inc

7) Cup cake & Muffin Mould Set

8) Weighting Machine Digital

9) Measuring Spoon set

10) Measuring Cup set

11) Turn Table

12) Piping Bag Set

13) Piping Nozzle set

14) Cake smoother with Scale

15) Palette Knife Icing Spatula Set

16) Spatula Set

17) Bread Knife

18) Oven Glove