No.3898/2021-2022
Aizawl, the 4th February 2022 : Vawiin khan Pi Sangchin Chinzah, Secretary, Social Welfare Department kaihhruaina hnuaiah State Level Committee on Nasha Mukt Bharat Abhiyaan chu SAD Conference Hall, MINECO ah an thukhawm.

Meeting ah hian Pi A Vanlalzawni, Director, Social Welfare &Tribal Affairs, he Committee- a Member Secretary ni bawk chuan State Level Committee din chhan te leh hmalak na hrang hrang te a sawi a. Pi. Lalhlupuii Sailo, CEO, Mizoram Social Defence & Rehabilitation Board, Social Welfare & Tribal Affairs in Powerpoint presentation hmangin District pathum (Aizawl, Champhai leh Kolasib) a Nasha Mukt Bharat Abhiyaan hmalak tawhna hrang hrang leh hmachhawpte sawifiahna hun a hmang a. Meeting ah hian hmalak tawh dante sawiho a nih bakah hmachhawp (Action Plan) te sawiho a ni bawk.

Nasha Mukt Bharat Abhiyaan in a tum ber chu thalai ruihhlo la ti ve lo te venhim bakah ruihhlo khawih mekte chhanchhuah a, nundan phung pangngaia an nun leh theih nan a tanpui a ni. Nasha Mukt Bharat Abhiyaan hi India rama District 272 ah kalpui niin Mizoram ah chuan District pathum (Aizawl, Champhai leh Kolasib) ah te kalpui mek a ni a. District tina Deputy Commissioner te chu District level committee ah Chairman an ni nghal bawk a ni.

Azadi Ka Amrit Mahotsav, India Independence kum 75 na denchhen leh Nasha Mukt Bharat Abhiyaan kum khat tlinna pualin Ministry of Social Justice & Empowerment, New Delhi chuan Mizoram hmalakna te enkualna hun chu February, 2022 hian an nei dawn a. North East ah chuan Mizoram leh Manipur chu an enkual tur zingah an tel.