2387/2025-2026

Aizawl, 26th November, 2025 : November ni 29, 2025 (Inrinni) hian Indore, Madhya Pradesh ah Food4thought buatsaihin Reading Decathlon neih a ni dawn a. Mizoram aiawh turin school pahnih – Mount Carmel leh La Montessori Mizoram Youth Commission kaltlangin thlan an ni.

Heng school thlanchhuah atang hian zirlai (student) pahnih ve ve – Rebek Malsawmzuali, Krista Roluahpuia Khiangte ( Mt. Carmel School), Malsawmhlui Pachuau leh Joshua Lalawmpuia (La Montessori School) an kal dawn a, an ni hi State Level Competion winner an ni.

Mizoram aiawh tura thlanchhuah zirlaite hi vawiin khan Pu Malsawmzuala Ralte, MYC Chairman chuan MYC Conference ah kawmin fuihna thu a chah a, Mizoram atanga a tel hmasa ber an nih thu te, theihtawp chhuah chunga lehkhabu chhiar thatna tarlang chhuaktu ni zel turin a fuih a ni.