2388/2025-2026

Lunglei, 2025 Sahmulphah thla ni 26: Vawiin khan Lunglei Deputy Commissioner (Bawrhsap) office-a thawkte chuan DC Conference Hall-ah India Constitution Day (Samvidhan Diwas) 2025 pualin a huhovin India Ram Danpui Thuhmahruai (Preamble) an chhiar chhuak.

Additional Deputy Commissioner Pi Rochuangkimi Khenglawt chuan hun kaihruaiin, India ram Danpui pawm a nih dan leh a pawimawhnate a sawi a. Danpui chu khua leh tuite'n zah tak leh chhuang tak chunga zawm turin a chah a. Addl DC kaihhruai hian officer leh staff-te chuan Danpui Thuhmahruai an chhiar rual nghal a ni.

Constitution Day hi November ni 26, 1949-a India Danpui pawm a nih hriat reng nan leh a pawimawhzia inzirtir ni atan kum tin November ni 26-ah hman ṭhin a ni a. Sawrkar Laipui ruahman angin kum 2015 aṭang khan kum tin thupui neia hman ṭhin niin, kumin hian thupuiah "Hamara Samvidhan — Hamara Swabhiman" (Our Constitution Our Pride — Kan Danpui Kan Inchhuanna) tih chu hman a ni.