2389/2025-2026

Aizawl, the 26th November 2025: Vawiin khan CM Conference Hall-ah Core Committee on Thenzawl Peace City te chu an Chairman Pu Lalduhoma, Chief Minister hovin an thukhawm a. Thenzawl Peace City huam chhunga Greenfield City proposal siam mek an thlirho.

Pu Lalmalsawma Pachuau, Secretary, UD & PA chuan SASCI ah hian Urban Planning Reforms hnuaiah tinzawn bik neia (thematic) Greenfield City kalpui theihna component Rs.150 Crore vel hmuh theihna a awm a, inelna (on challenge mode) atanga hmuh tur a ni. Thenzawl Peace City huam chhunga Tourism leh AH & Vety Department ramte behchhanin he fund hmuh theihna tur Greenfield City proposal hi duan a ni ta a ni, tiin meeting koh a nih chhan a sawifiah hmasa a ni.

Thenzawl Peace City Master Plan siamtu tura thlan IPE Global mithiamten Greenfield City proposal hi a lem nena entirin chipchiar takin an sawifiah a. An ruahmanna siam hi Core Committee hian a pawmsak a, Ministry of Housing & Urban Affairs ah thehluh a ni ang.

Thenzawl Peace City Master Plan hi IPE Global ten chak takin an buaipui mek a ni.