2390/2025-2026

Siaha, 26th November 2025: Vawiin chawhma dar 11:00 AM khan Siaha District Aids Prevention Control Committee (DAPCC), chu an Chairman leh Bawrhsap nibawk Pu VL Hruaizela Khiangte kaihruaiin DC Mini Conference Hall-ah kumin 'World AIDS Day' hman dan tur relin an ṭhukhawm.

Pu VL. Hruaizela Khiangte chuan kalkhawmte hnena lawmthu sawina a nei hmasa a.Khawvel mai ni lo Mizoram ngeiah pawh HIV/AIDS vei an tam tawh zia tarlangin, theihtawp chhuaha a do hnathawh a tul hle a ni, a ti. HIV/AIDS- darh zel tur veng tur hian mimal emaw pawl pakhat kutah dah theih a ni lo a, sawrkar department zawng zawng, NGO, Kohhran leh khawtlang mipuite tanho a pawimawh hle a ni, a ti. A bik takin mipat hmeichhiatna leh 'syringe' thinghlim lo inhmantawm vanga kai an tam thin angin hemi kawnga fihlim tur a Siaha mipuite chahin, DAPC chu theihtawp chhuah zel turin a fuih nghal bawk.

Thutkhawmah hian thil pawimawh tak tak sawiho a ni a . World Aids Day - December ni 1- a hmanna tura mawhphurhna hrang hrang neite inruat fel nghal a ni a.World AIDS Day- hmanna atan hian MADC Golden Jubilee Hall, ni se an ti a ni. Kumin ' World AIDS Day' thupui atan hian 'Overcoming disruption, transforming the AIDS response' tih a ni ang.

Vawiin ṭhutkhawmnaah hian Samvidhan Diwas (Constitution Day) pualin Pu Vanlalchhuanliana, SDO (S) kaihhruaina hnuaiah 'Preamble' chhiar rualna hun hman nghal a ni bawk.

Vawiin thutkhawmah hian Chief Medical Officer, District Education Officer, District Social Welfare Officer, Child Development Project Officer, District Program Manager NHM, Medical Officer - OSTC, WADA Programme Manager, ICTC Counsellor, WADA District Resource Person leh DISHA staff te an tel thei a, Pu VL. Heiazela Khiangte chuan lawmthu sawina neiin hun a khar.