2526/2022-2023
Mizoram Youth Commission leh HCL Technologies in thawhdunna thuthlung ( MoU) an sign
2.11.2022( Wednesday) : Mizoram Youth Commission leh HCL Technologies chuan vawiin 2.11.2022 (Wednesday) hian Mizoram Youth Commission Office, MINECO, Khatla, Aizawlah thawhdunna tur thuthlung , Memorandun of Understanding (MoU) an sign.
He thawhdunna thuthlung ziahnaah hian Mizoram Youth Commission aiawhin MYC Chairman, Dr Vanlaltanpuia, MLA leh MYC Officer Pu H Lalnunzual, Under Secreatry MYC ten hming an sign a. HCL Technologies aiawh in HCL Technlogies Vice President Mr. Subbaraman B leh Zonal Head North East, Mr Srivastava ten hming an sign bawk a ni.
He inremna thuthlungah hian Mizo thalaite hamthatna tur kawng tha tak a awm dawn a. Mizo thalai Class 12 Science pass ,Mathematics subject a 60% hmuchin tan HCL Technologies Company hian TechBee programe hnuaiah exam an buatsaih sak anga, he exam a tlingte hi HCL Technol;ogies hian an chhawr chhunzawm nghal dawn a ni. An luh atanga kum khatnaah hian training hi Online leh Offline thla ruk (6 Months) ve ve pek phawt an ni ang. Hemi hun chhung a an senso hi a tling hmasa mi 50 te hnenah Mizoram Youth Commission ( MYC ) chuan Rs 50,000/- theuhin a sponsored dawn a ni.

He hna a lut te hi HCL Technologies a hnthawktu nghet an ni nghal dawn a. An thawh chhung hian HCL in a approved zirna In ( Institutions) ah Graduation Course an zir thei anga, an graduate hnuah chuan HCL Technologies Company hian hlawh sang zawk pein a chhawr chhunzawm zel dawn a ni. Hlawh nei chung hian BCA, BBA,B.Com,B,Sc, M.tech te a zir chhunzawm theih dawn a, hlawh nei chung leh hna nghet nei sac hung a Bachelor degree neih theihna tur leh beih hnu pawh a hlawh sang zawk a thawh chhunzawm zel theihna tur a ni ber a ni.

He thawhhona thuthlung ziahnaah hian Dr Lalrinchhana Principal Adviser Planning and Programe Implemetation Dept leh Pu Lalmalsawma, Secretary, Planning and Programe Implementation Deparment in a telpui bawk a ni.