2526/2022-2023
Aizawl the 2nd November 2022 :
Vawiin khan Administrative Training Institute (ITI)-ah Samagra Shiksha State Project Office buatsaih National Education Policy 2020 tihhlawhtlinna tur 'NIPUN Bharat' chungchang inhrilhfiahna hun hman a ni.

NEP 2020 tihhlawhtlinna tur 'National Initiative for Proficiency in Reading with Understanding and Numeracy (NIPUN)' inhrilhfiahna hun hi Samagra Shiksha State Project Director Pu Lalhmachhuana'n a hmanpui a. Kalkhawmte chuan ZO-NIPUN thutiam an tiam nghal.

Pu Lalhmachhuana, SPD chuan he hunah hian thusawiin India ram zirna kalpui dan a inthlak danglam chhoh zel thu a sawi a. Right to Education chuan kum 6-14 chin huam mahse, a policy-ah chuan kum 3-18 a huam tawh a ni a ti a. Naupang zawng zawngten sikul an kal a, hriat leh thiamna nghet an neih theih hi a pawimawh a, zirna kawngah hian rampum sukthlek pawh a danglam zel a ni a ti. NEP 2020 tihhlawhtlinna atan NIPUN Bharat bawhzui thata tihhlawhtlin hi a pawimawh a ni a ti bawk.

NIPUN Bharat hian naupangin zirna innghahna lungphum pathum- ziak, chhiar leh chhiarkawp an thiam theih nan zirna boruak tha an neih theihna tur siam te, zirna in chu dam chhunga an tangkaipui tur zir chhuahna hmunah siam a, naupangte pawhin hriatthiamna tak tak nen zirna awmze nei leh hlimawm an neih theihna tur siam a dah pawimawh a ni.

He Orientation programme-ah hian District tina Samagra Shiksha hnuaia DPC, Addl DPC, DyDPC te, State Project Office a officer te an kalkhawm a ni.

Attachment

  • Loading attachment...