1725/2022-2023
Aizawl 26th August 2022 : Vawiin khan Dr. Vanlaltanpuia, MLA, Chairman, Mizoram Youth Commission chu IIM, Shillong Director, Prof. DP GOYAL nen Mizoram Youth Commission Office MINECO Khatlaah an inkawm a, inremna thuthlung Memorandum of Understanding ( MoU) an ziak nghal a ni.Mizoram Youth Commission aiawhin DR. Vanlaltanpuia, MLA, Chairman, Mizoram Youth Commission chuan hming a ziak a, IIM Shillong lam Director Prof DP Goyal chuan hming a ziak bawk . MYC aiawhin Pu H. Lalnunzuala, Under Secretary, MYC leh IIM Shillong aiawhin Shri Atul Kulkarni, Member, Board of Governors ten hriatpuiin hming an ziak bawk. IIM Shillong Director Prof DP Goyal hi Shri Atul Kulkarni, Member, Board of Governors, Dr. Sanjeev K Ningombam, Centre Coordinator, Dr. APJ Abdul Kalam Centre for Policy Research & Analysis, IIM Shillong ten an rawn tawiawm a,MYC lam hi Pi Chingthanmawii Guite, Dy Adviser, Planning Dept leh R. Lalramnghaka, IAS, Secretary, Higher & Technical Education ten an tawiawm bawk a ni.

Dr. Vanlaltanpuia, MLA, Chairman MYC leh IIM Shillong Director, DP Goyal te inkawmnaah hian Mizo thalai te tana hmasawnna tur kawng pawimawh tam tak sawidun a ni a, Dr. Vanlaltanpuia, MLA, Chairman, MYC chuan mizo thalaite mamawh kawng hrang hrangte sawipuiin, Mizo thalaite chu Talent nei tha tak leh taima tak, khawvel hmundang thalaite pawh el phak leh zahpuiawm lo tak an nih thu a sawi a, an thiamna leh theihnate tih hmasawnpui a, hnathawhna tur kawng dap pui turin leh Skill Training a tam thei ang ber pe turin IIM Shillong te chu thawhpuiah a sawm a ni. Hengah te hian thawhhona thuthlung an ziak a ni :

1) Mizoram in Skill Training kan mamawh tak, kan thiam zawng leh kan theihna kawng hmuchhuak tur a, Skill Gap Research nei tur a thawhhona neih.

2) Mizoram sawrkar hnuai a hnathawk Officers leh Local Youths te tana IIM Shillong-a training buatsaih.

3) Mizo thalaite thiamna ril zawk zir tur a intuai hriam nan Super 10 programme emaw buatsaiha chumi hnuaia Mizo thalai 10 te chu IIM a training thei tur a intuai hriamna neihpui.

4) Mizo thalaiten skill development lama hma an sawnna kawnga MYC hmalakna a neihah IIM shilling hian a pui anga, ‘Centre of Excellence’ din kawngah pawh IIM hian MYC hi a pui dawn a ni.