1724/2022-2023
Lunglei the 26th, August 2022: Vawiin chawhnu khan Nursing School Conference Hall, Lunglei ah 37th National Eye Donation Forthnight 2022 (25th August - 8th September 2022) chhung awh tur hawnna hun hman niin kumin thupui atan "Let your Eyes Live" tih hman a ni.
37th National Eye Donation Forthnight 2022 hmanna hun hi Dr Lalrinthangi, SMO, Lunglei chuan kaihruaiin midangte'n mit var an neih theih nana mit pek hi a hlu a, khaw eng hmu lo ten mit varna an chang a, thil thlawn pek hian midangte thinlungah mit varna a pe tel thin a ni a ti a. Chuvangin mitin ten midangten mit var an neih theih nan mit donate tura inziaklut turin a sawm a ni.
Dr. Laldinmawii, Eye Specialist, Civil Hospital Lunglei in power point presentation hmangin mit pek hlauhawm loh zia leh midangte tana hlut zia sawiin, India ram pumah mi nuai sawmpakhat mitdel mit thlak ngai an awm a, kumtin mitdel singhnih sangnga an awm thu a sawi bawk a ni. Mizoram Eye Bank Statistics in a chhinchhiah danin Mizoram pumah mit pe tura intiam register 8499 awmin, mit thlaksak mamawh in register 362 an awm a, Cornea thlak 447 nih tawh niin, Cornea lak khawm 932 leh mit petu (mihring) 471 an awm a ni. Mihring kum 1 chunglam tan mit pek theih thu a sawi a upa lam tan erawh kum bithliah a awm ve lo a ni. Eye Donation hi natna benvawn nei HIV, Hepatitis leh a dangte tan a pek theih loh thu a sawi a. Mit pe duh tan Eye Bank hnai berah engtik lai pawn a hriattir theih reng a ni a ti.
Vawiin 37th National Eye Donation Forthnight 2022 hun hmanna ah hian Nursing School leh D&D English Medium School naupang eng emaw zat an tel a ni.
Pu C. Lalhmingmawia (L), Pangzawl khua chuan ni 13 April 2022 ah a mit hlu tak mai midangte tan a pek avangin National Health Mission, Aizawl chuan Certificate a chhungte hnenah an hlan a ni.
Attachment
- Loading attachment...
