1723/2022-2023

Thlazing ni 26, 2022: Vawiin khan District Convergence Committee on POSHAN Abhiyaan, Lawngtlai District chu an Chairman, Lawngtlai Bawrhsap Pu Amol Srivastava hovin Lawngtlai DC Conference Hall-ah an ṭhu khawm a, Action Plan on POSHAN Abhiyaan (2022-2023) chungchang an sawi ho.

He ṭhut khawmah hian Bawrhsap chuan department tinte chu thawh hona ṭha a awm theih nan hma la ṭheuh turin a chah a. DRDA Project Director Pi Marilyn Rualzakhumthangi chuan Block tina BDO-te leh CDPO-te thawh hona ṭha neih a pawimawh thu a sawi lang bawk a. Dr Lalhruaitluangi Chhangte, District Programme Officer, Women & Child Development, Lawngtlai District chuan Action Plan ruahmanna te sawi fiahin, kum 2022-2023 chhunga hma lakna tur hrang hrang chu department hrang hrang hotute leh Lawngtlai District chhunga Child Development Project Officer (CDPO)-te nen sawi ho a ni.

Meeting-ah hian anganwadi naupangte leh nu raipuar leh nau pawmte hriselnain hma a sawn zel theih dan tur sawi ho a ni a. Nutri-garden (anganwadi centre-a chuktuah huan) tihchangtlun dan tur leh Early Chilhhood Care and Education (ECCE) ṭha zawka kalpui dan tur te, anganwadi infrastructure tihchangtlun dan tur te, anganwadi centre-a chaw chhumna tur thuk (gas connection) neih theih dan tur te, ruahtui khawl leh thianghlim taka tui chhe paih dan chungchang te, anganwadi naupangte leh nute Aadhaar enrolment neih dan tur chungchang leh department hrang hrangte nena thawh ho dan tur te sawi ho a ni bawk.

He hunah hian anganwadi centre-te'n harsatna an tawh te pawh sawi lan a ni a. Hemi kawngah hian department dangte nena hmalakna awm theite pawh sawi ho a ni.

Attachment

  • Loading attachment...