1994/2022-2023
Aizawl 20th September 2022 : Nimin ni 19 September,2022 khan Mizoram Youth Commission leh Mizoram OET Coaching Hub (MOCH) te tangkawp chuan Batch hmasa ber atan OET ( Occupational English Test) Kolkata hmun a Exam turte Dr. Vanlaltanpuia, MLA, Chairman, Mizoram Youth Commission chuan thlahna hun a hmanpui bakah fuihna a nei. He hun hi Mizoram Youth Commission Office, MINECO, Khatlaah neih a ni.

OET hi Medical Professional te tana English Language Test Exam a ni a. He Exam hi India ram atanga International a hnathawk duhte tana paltlang ngai exam a ni a. OET Recognized Country ah te hian UK, Australia, New Zealand, USA, Canada, Ireland leh ram hrang hrang an awm a. Exam paltlang tawhte chuan heng ramahte hian hna an thawk thei a ni. Tun a MYC leh OET (MOCH) thawhdunna hian Mizo thalai, a bikin Nurse te tan India ram pawn a hnathawh theihna tur kawng sat kawtu a ni dawn a. India ram pawn a hnathawk tur leh hnathawh tumte tan tun atang chuan kawngzau taka hawn a ni ta hi a lawmawm hle a ni.

Tun a Exam tur a kalte hi Mizoram Youth Commission chuan Fees ngai ang angah a tumpui a ni. He exam hi Mizoram tan chuan MOCH kaltlang a exam hi a vawikhatna a ni.