1993/2022-2023
Aizawl, the 20th September 2022: Aizawl Bawrhsap Pisa chuan mipuite, abikin hnazawng mek te kan lo him zawk nan a hnuai tarlan ang hian mipuite hriattur thuchhuah a siam.
Tunlai hian Aizawl District huam chhungah Mizoram Private Placement Agency Licence nei lo, Sawrkar hriatpui loh, Agency lem engemawzat an awm tih hriat a ni a. Heng mite hian State pawnah leh Ram pawnah te hnathawk turin mi an tir chhuak a. Constitution of India hnuaia Article 23 (1) in a tarlan angin Human Trafficking-a inhnamhnawih-a ngaih an ni a, a hremna pawh a sang hie a ni. Tin, an hnathawhna hmunah harsatna an lo tawhin Sawrkar angin hma lak a harsa tawh thin a ni.
Chuvangin, kan lo fimkhur zawk nan leh kan faten an hnathawhna a harsatna an tawh loh nan District Mipui, Nu leh Pa te, he hriattirna hi ngai pawimawh a, The Mizoram Private Placement Agencies (Regulation) Act, 2015 hnuaia Valid Licence nei, Sawrkar hriatpui Agencies te chauh dawr thin turin kan in hriattir e.
