492/2022-2023
Aizawl, 13th May, 2022 : Vawiin chhun dar 12:00 khan Dr. Vanlaltanpuia, Chairman Mizoram Youth Commission leh New Delhi atanga Vision IAS aiawh lo kal Deepali Dutt Chaturvedi, Management Head: Vision IAS leh Utkarsh Chaturvedi, Marketing Team Head and Regional Centre Co-ordinator of Vision IAS te chuan Mizoram Youth Commission Conference Hall ah Super IAS 40 programme hnuai a MYC in New Delhi a Mizo thalai full sponsorship a a tirh tur chungchang sawiho in a thuphungin inremna an nei.

Mizoram Youth Commission Chairman Dr.Vanlaltanpuia chuan Mizo thalaite tan New Delhi a IAS Coaching Centre tha ber ber a duh thu sawiin chung zingah chuan Vision IAS pawh a tha ber te zinga mi niin Mizo thalaite tana hmun siamsak tur leh an awmna turte pawh lo ngaihtuahsak a, lo enkawl turin a duh thu a sawi a, Vision IAS aiawha lokalte chuan Mizoram Youth Commission chungah lawmthu sawiin, Mizo thalaite sawrkarin a ngaihsak an tih thu an sawi a, anni pawhin an theih ang tawka lo buaipui an inhuam thu sawiin, Mizo thalaite chu seat an lo pek bakah an awmna tur hmun thlengin ruahmanna siamdan tur kawng an zawn tur thu an sawi.

Vision IAS hi India rama IAS Coaching Centre zingah chuan Reading Materials nei tha ber a sawi an ni a, tunah hian an classroom-ah mi 7000 chuang kalin Test Series an hnen atanga la hi mi 2000 chuang an awm bawk a ni. Kum 2020 chhung khan India ram pumah UPSC exam-ah Top 10 ah mi 10 neiin, 2019 ah top 10 ah mi 7 an lang bawk a ni.

Mizoram Youth Commission hian Thalai 40 a tirh turte hi Coaching Centre pakhatah dahkhawm vek lovin semdarh a tum a, Vision IAS bakah hian Coaching Centre tha dangte pawh koh mek an ni a, ruahmanna siampui zel tum an ni.

Mizoram Youth Commission chairman MYC Officials ten an tawiawm a ni.

Attachment

  • Loading attachment...