3075/2024-2025
Aizawl, the 19th November 2024: Vawiin khan Mizoram Youth Commission Member te chu an thukhawm a. MYC hmalaknate an thlirho.
Meeting hi Pu Malsawmzuala Ralte, Chairman MYC in a kaihruai a. He hunah hian MYC in tun hnaia a hmalakna hrang hrang te Pi V. Lalmuanpuii, Secretary in kimchang takin report a pe hmasa a ni.
Hmalakna zingah hian One day workshop on Career guidance & counselling a neih te, Social media campaign a kalpui mek te, ASI Mock Exam a buatsaih te, Aizawl & Lunglei Centre a Hotel management training a buatsaih mek te leh an thawhna tur Hotel hrang hrangte report ngaihthlak a ni.
MYC kaltlanga Food & Beverage training kalmek a trainees 26 te chuan placement an hmuh vek tawh thu te an tarlang nghal bawk a ni.
MYC hmalakna tur thil pawimawh hrang hrang te pawh sawiho a ni a. Heng zingah hian Online Mentorship programme, civil service aspirants te tan one-on-one online mentorship programme neih chu tha tiin committee chuan a pawm nghal a. Promotion of Reading Culture Among Mizo Youth Program - Mizo thalai zinga lehkha chhiar uar zawka kalpui dan tur concept pawh a pawm a. Kum thar lama Banking leh SSC Coaching kalpui dan tur pawh sawiho niin kalpui ni se tiin Commission chuan a rel nghal bawk.
