3074/2024-2025

Dated Aizawl, the 19th Nov, 2024: Vawiin chhun dar 11:00 AM khan Aizawl Municipal Corporation hnuaia Committee on Control of Parking & Collection of Parking Fees chu Pu R. Thanglura, Dy. Mayor, AMC hovin AMC Office Conference Room-ah an thukhawm. He meeting-ah hian Pi B. Lalawmpuii, Executive Corporator, AMC te, Pi C. Lalchhandami, Corporator te, Pi Christina Roluahpuii Sailo, Corporator leh Pu David Zohmangaiha, Corporator te telin AMC a Parking viltu Officer te bakah Aizawl City Traffic leh State Transport Authority, Transport Department member te an tel bawk a ni.

Aizawla Night Parking kalpui dan tur ruahmanna te, Maxi Cab stand leh Berawluia Aizawl City Bus Terminal luah dan tur chungchang bakah Aizawl Municipal area chhunga Two Wheeler Taxi parking chungchang te sawi a ni a. Parking area chei that dan tur leh chhinchhiahna siam dan tur te ngaihtuah tel a ni bawk.

Aizawl khawpui chhungah khualzin tamtakin zana motor riahna te an mamawh thin a, loh theih loh thil avanga zan riah ngaite tana ruahmanna mumal zawk siam dan tur te sawiin Aizawl City Traffic leh Local Council te nen tha taka kalpui tum a ni. Aizawl khawpui chhunga veng 28 in ruahmanna an neih te AMC ah an thehlut tawh a ni.

Maxi Cab te zan riahna tur hi AMC in ruahmanna a siam a, zan riah tul ten an duh duhna hmuna in dah mai lovin hengah te hian dah zel turin Committee chuan Maxi cab neitute leh driver te a ngen a. Tin, Aizawl City Bus service te tana terminal siam pawh hman theih a nih tawh vangin hman tan thuai ni se tiin rel a ni.

Tin, Aizawl khawpui chhunga Parking area siam hrang hrangte hi hauh bik a remchang lo tih a ni a. Hmun thenkhata Two Wheeler taxi ten an member ni lo din an phal loh thin pawh ti lo tura hriattir ni se tiin rel a ni. 

AMC Parking area hrang hranga a leng baka inhnawh hnem te endik tura rel a ni bawk.