3073/2024-2025

Dated Saitual the 19th November, 2024 : Vawiin chawhma dar 10:00 khan Keifang Centenary Sport Complex, Saitualah Saitual Town Officers Club huaihawtin Interdepartment Sport ni 3 chhung awh tur neih ṭan a ni a, a hawnna hunah hian District Bawrhsap Dr. Lalngura Tlau chu khuallian niin hun a hmanpui.

Khuallian Dr Lalngura Tlau chuan kalkhawmte hnenah lawmthu sawiin lungthu pathum, taksa, rilru, thlarauah te insawizawi kan mamawh a ni, a ti. Infiamna a nih angin chakte lawmpui a, chakloh dan pawh thiam turin a chah a, inunauna ṭha tak siamna atana ṭangkai taka hmang turin duhsakna a hlan nghal a ni.

Khuallian chuan Mizoram sawrkar hnuaia thawk department hrang hrang kalkhawm angin efficiency leh productivity a san nan te, inpawhna tha zawk a awm theih nana ṭangkai taka hmang turin a chah a, Saitual district mipuite tana thawk leh hmasawnna hna thawktu an ni tih inhre thar turin a chah a, Satual district a lo changkan chuan Mizoram a lo changkang dawn a ni tih sawiin, Dr. Lalngura Tlau chuan  Inter-department sport 2024 chu a hawng nghal a ni.

He inter dept sport hi group 4 ah inthenin sport items chi hrang hrsng hmangin infiamna neih a ni dawn a ni. He hawnna hunah hian Er Dengchungnunga EE, President, STOC chu chairman niin inlawmna thu a sawi a, khuallian Dr Lalngura Tlau, DC chuan thu sawiin Pu H Lalhmangaihzuala, Manager, Mizoram Apex Bank chuan hunserh a hmang a,  Pu H Lalhmangaihzuala,Sport Org.secy chuan report pein, Pu Jacob Lalmalsawma, DHO chuan thutiam sawina hun a kaihruai a ni.