Mizoram Youth Commission  buatsaih Mizoram-a a vawikhatna turin Govt. Mizo HSS, Aizawl-ah leh Govt. HSS, Lunglei-ah in IIT-JEE & NEET Online Coaching Scholarship exam a ni. July Ni 14,2018 chhun dar 12 khan ALS Online Scholarship exam chu neih a ni a, he scholarship hi Pawl 11 (Science) zirlai naupang 926 in an exam a,Aizawl Centre Govt. Mizo HSS ah naupang 764 in an exam a, Lunglei Centre ah naupang exam 62 an awm a ni.   

MYC IIT-JEE & NEET Online Coaching scholarship exam hi Alternative Learning System-in buatsaihin, hei hi OMR sheet ah zirlaiten an chhang a, heta inziak tlingte hian pawl 11 leh 12 an zir chhung zawng in Coaching hi an kal dawn a ni. He scholarship hi zirlai 300 hnenah pek a ni ang. Online Coaching Class atan hian  ALS Online Live Session hi MYC Coaching Centre, Dinthar ah July Ni 12, 2018 tlai dar 3:00 ah khan neih a ni tawh a. He hun hi MYC in ALS Online Coaching class an kalpui dan tur chungchanga HSS  Science lecturer te hriat tur tul leh thil pawimawh in hrilhhriat na hun atan hmangin, coaching class awmzia te leh IIT-JEE & NEET an school naupang ten an paltlang theih dan tur kalhmang te in zirtir na hun atan hman a ni. Lecturer kalkhawmte hi an zirlai naupangte an zirtir chhawn leh tur thil tangkai  tam tak zirtir leh hrilhhriat an ni bawk. He in zirtirna hun hi Alternative Learning System (ALS), New Delhi atang satellite hmanga kah niin, LIVE interaction hlawhtling tak kalpui a ni. Dinthar MYC Coaching Centre ah hian school pathum, Govt. Mizo HSS, Govt. Republic HSS leh St Pauls HSS  atangin Science lecturer te an kal khawm a. Online live session Aizawl a neih rual hian Lunglei a MYC Coaching Centre ah neih ve nghal niin, he hunah hian Baptist HSS Science lecturer zawng zawng leh Govt. HSS lecturer zawng zawng, mi 23 an kalkhawm a ni. Aizawl  MYC Coaching centre ah hian lecturer 18 an kalkhawm bawk.  

Mizoram Youth Commission chuan IIT-JEE & NEET in ziah tlin a harsat tawh zia hriain, Mizo naupang ten Pawl 12 an pass chhuah hnu a coaching an kal hian an tihthat tawk thin loh avangin Institution tha an chang thei thin lo a, hemi avang hian Mizo ten Institution tha tak hnuaia mithiam thahnem tak chher chhuah an nih theih nan,  Pawl 11 Science zir mek ten IIT-JEE & NEET atan an inbuatsaih tan theih Nan ALS Satellite Education chu an thawhpui a ni.