No.3018/2021-2022

Aizawl, the 17th November 2021: Union Minister of State Pu Rao Inderjit Singh chu zan 4 riak turin Mizoramah a lo zin dawn a. Vawiin khan Planning Secretary Pu Lalmalsawma hovin Planning Department Committee Room-ah sawrkar mi pawimawh ten Union Minister dawnsawn dan tur ruahmanna an siam.

Pu Rao Inderjit Singh hian Statistcs and Planning Ministry a enkawl a. Amah leh a team te hian Mizorama an cham chhungin Chief Secretary Dr Renu Sharma leh Central Scheme/ Centrally Sponsored Scheme (CSS) project lian thawk mektu Department te nen meeting pawimawh an nei ang a. Ruahmanna ang chuan Thenzawlah Union Minister hian a hun tam zawk a hmang dawn a. Serchhip District a sawrkar hotute, tlawmngai pawl hrang hrang aiawh te leh khawtlang hruaitute nen inkhawmhona hun an nei dawn bawk a ni.

Vawiin meeting-ah hian Union Minister programme tur thlir lawk niin mawhphurhna hrang hrang siamrem leh semzai a ni a. Serchhip District atangin DC Pu Kumar Abhishek leh official dangte Video Conference kaltlangin meeting ah hian an tel bawk a ni.

Attachment

  • Loading attachment...