No.7334/2020-2021

Vawiin khan Pu. H.L Rochungnunga, Secretary, Social Welfare Department kaihhruaina hnuaiah Mizorama pawl hrang hrang (Home/Centre) ten ruihhlo ngaite enkawlna an kalpui dan tur mumal taka "Accreditation Committee for The Mizoram Drug Treatment Cum Rehabilitation Centres"  hmanga duan inenkawlna kalpui dan chungchang sawihona chu SAD Conference Hall, MINECO, Khatla-ah neih a ni.

Pi. A Vanlalzawni Director, Social Welfare &Tribal Affairs, he thilah Member Secretary ni bawk chuan Accreditation Committee din chhan te leh hmalakna hrang hrang te a sawi a. Pi. Lalhlupuii Sailo, CEO, Mizoram Social Defence & Rehabilitation Board, Social Welfare & Tribal Affairs pawhin "The Mizoram Drug Treatment Cum Rehabilitation Centre (TRCS) Accreditation (Amendment) Rules 2020" Mizoram Sawrkarin a duan chu sawifiahin, a kalpui dan tur te a sawi bawk. He Committee ah hian Government officials, NGOs leh Mizoram Kohhran Hruaitu Committee aiawh te sawm an ni.

He Accreditation-in a tum ber chu: Mizorama pawl hrang hrang (Home/Centre) ten ruihhlo ngaite enkawlna an kalpui dan tur mumal taka duan (minimum care for the services) hmanga inenkawlna kalpui tura zirtirna pek leh kawng kawhhmuh hi a ni a. Chuvangin, pawl hrang hrangin ruihhlo ngaite enkawlna an kalpui danah Inenkawl dan tur Mizoram Sawrkarin mumal taka a duan "Standard Operational Procedure" (SOP) angin an kal em, tih chu tehfung hrang hrang hmang tea endik thin a ni ang a, Dan in a phut anga enkawlna kalpui mumal theilo te chu zirtirna te pein, kaihhruai an ni ang a, chuta la zawm ve thei lo te chu hnawl (disqualified) theih an ni dawn ani.

Heng endikna te kalpui a hma la tur hian Accreditation Committee chu Secretary, Social Welfare Department Chairman-na hnuaiah din a ni a. District tin-ah District Social Welfare Officer (DSWO) Chairman-na hnuaiah Inspection team hi din tur a ni a, Inspection team te hian tehfung hrang hrang hmangin Centre te hi an awmna hmunah endikin, Accreditation Committee ah report an pe ang a. Chumi report azir chuan Mizoram Sawrkar pawmpuina hnuaiah kum hnih (2) chhung atan Accreditation hi pek an ni dawn a ni. Kum 2 a ral hnu-in Mizoram Sawrkar hnuaiah a thar a dil leh tur a ni ang.