No.7335/2020-2021

Vawiin khan Pi V.Lalmuanpuii hovin Aizawl Municipal Corporation (AMC) inthlan ni 16^th February, 2021 lo awm tur atana SEC in Political Party te hriattur pawimawh hrang hrang a tih chhuah chungchangah party aiawh te DC Conference Hall-ah an thukhawm a.

Thut khawmna-ah hian DMEO office in ruahmmana a neihte inhrilhhriat a ni a, Election Period laia candidate te sum hmanzat chhutna atan rate fix en ho a ni. Rate fix thar hi political party aiawhten an rem tihna party seal nen chhu in an nemnghet nghal a ni.

Tentative schedule-ah chuan first randomization of EVM hi 1^st February, 2021-ah neih tum a ni a, EVM Commissioning hi 3^rd-6^th February, 2021 emaw 8^th February-11^th February, 2021 ah neih tum a ni a, 12^th February-ah randomization neih beisei a ni bawk.  Campaign chhung leh Poll Day atana motor hman phalna DMEO Office, Election Branch-ah dil theih a ni. Candidate/election agent te tan ni 2^nd February, 2021 hian expenditure chungchang leh MCC chungchang training koh tum a ni a, sector magistrate 13 ruat an ni a, an ni hian MCC violation chungchang te, dan thil te, poll day a an biaka EVM buaina awm chinfel hna leh counting day a magistrate hna leh EVM record te an buapui dawn a ni.

Poll Day hian Poll tan hma 90 minutes la awmah Mock poll vote 25 tal thlak tur a ni dawn a, hetah hian candidate tin aiawh polling agent 2 theuh an awm tur a ni bawk a ni.  Poll khar hun ni 16^th February tlai dar 4 atanga chhiar leta darkar 48 chhung (i.e. 14^th February, 2021 Dar 4:00PM atanga 16^th February, 2021 tlai dar 4:00PM) chhung hian campaign neih phal a ni tawhlo.