Vawiin khan Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) kaihhruaina in Raj Bhavan-ah meeting neih a ni a. Mizorama ‘Student Start-Up Movement’ bul tan dan tur an sawiho a ni.

Governor chuan sawrkar hotute leh education lama mithiamte chu thawk ho in Mizoram mamawhte chu chiktaka zirchian hmasak theih nise tha a tih thu a sawi a. Hmalam hun thui tak thlir tel chungin hmalak dan tur roadmap mumal tak duan nise a ti. He meeting-ah hian entrepreneur nih tumte’n harsatna hrang hrang an tawh thin te sawiho a ni a. Mithiamte kaihhruaina hnuaia training neih dan turte leh sumdawn bultanna atana sum leh pai lama tanpuina awmte sawiho a ni bawk.

He meeting hi All India Council for Technical Education-in Student Start-Up Movement chungchanga ngenna a rawn siam bawhzuia neih a ni a. Chief Secretary Pu Arvind Ray leh Higher & Technical Education Commissioner Pu Ashish Kundra te bakah Mizoram University, ICFAI Unversity leh NIT atangte in an tel a ni.