Mizoramah Food Security Act 2013 hman thuai a ni dawn.

Hemi chungchang ngaihtuah hian vawiin khan Food, Civil Supplies & Consumer Affairs Minister Pu John Rotluangliana Office Chamber-ah Department hotute an thukhawm a.

Pu John Rotluangliana chuan thu sawiin Food Security Act chu hman thuai tum a ni tih sawiin hmalakna tur tam tak chu peihfel a ni tawh a ti a. Food Security Act a taka hman a nih theih nana Officer kalkhawmte thawhrimna chu fakin hemi tih hlawhtlin nana hmachhawp awm ang angte chu chak lehzuala sukiang tura tan la sauh sauh turin a chah a ni.

Meeting-ah hian DCSO zawng zawngten Food Security Act hmang thei tura an hmalakna hrang hrangte report an pe a. Report-a a lan dan chuan District tam zawkte chu Food Security Act hmang turin an inpeih thawkhat tawh a ni.