Vawiin khan Saitual ah RTI Awareneness Campaign neih a ni a, he hun hi Pu Lal Dingliana, Indian Foreign Service (Rtd), Chief Information Commissioner in a hmanpui a ni.

Right to Information (RTI) hi langtlang sorkar, mawhphurhna la ngam, sorkar dik neih nan, corruption ven nan leh do nan a hmang turin Pu Lal Dingliana chuan kalkhawmte chu a chah a ni.

Inkhawm hi Pu Donny Lalruatsanga, SDO (Civil), Saitual in a kaihruai a, Pu Lalnunzira Miller, Principal, Govt. Higher Secondary School, Saitual, Joint VC, NGO hruaitute leh khawtlang a mi pawimawh engemawzat an tel. RTI chungchanga hriat tur pawimawh inhrilhhriat anih hnuah zawhna leh chhanna hun hman a ni.

Pu Lal Dingliana IFS (Rtd), CIC hian ni naktuk 14.01.2016 hian Kawlkulh-ah RTI Awareness Campaign a hmanpui leh nghal ang.