Vawiin khan DC Office Chamber ah Kolasib DC Pu H. Lalengmawia, IAS hovin District Task Force on Immunization chu an thukhawm a. Meeting ah hian National Immunization Day January ni 19 leh February ni 23 a Polio vaccine pek dan tur ruahmanna siam te an thlir ho a ni.

District Immunization Officer Dr. R. K. Lalthlamuana chuan Polio hri danna atana Immunization Schedule an siam te chu tarlangin hemi atana inbuatsaihna zawng zawng chu an tihfel vek tawh thu a sawi.

Report a an tarlan dan chuan naupang 10347 an target a, heng te hi Booth 105 ah te Polio vaccine pek an ni dawn a. Hemi zawh hian in tinah kalin naupangte vaccine hi an la em tih an finfiah leh bawk dawn a ni.