Punjab and Sind Bank, Chairman and Managing Director Delhi atang a lo kal Pu D.P. Singh IAS chuan Punjab and Sind Bank Branch thar Mizoramah a hmasa ber a tan Aizawl a Sikulpuikawn, Aizawl College ep-ah December ni 27, 2012 ah khan a hawng ta.

Hawnna inkhawmah hian Pu D.P. Singh IAS chuan thusawiin India hmarchhak lam a Punjab and Sind Bank in hmasawnna thar bul a rawn tan chu lawmawm a ti hle a. Aizawl Branch hi Branch 1109 na a ni a, Mizo mipuiin tangkai taka an hman a beisei thu a sawi bawk.

Punjab and Sind Bank hi India sorkar ta Public Sector Bank a ni a. An thupui ‘Where Service is a way of life’ a nih angin mipui tan a thawk tha ber pawh an la ni reng a. Kum 1908 ah khan vantlang tana rawngbawltu chhuanvawr mi pathum Bhai Vir Singh; S. Surendar Singh Majitha leh Tarlochan Singh ten mirethei leh chanhaite dawm kan na atan a an din niin tunah kum 104 hmel a hmu ta hial a ni, a ti.

Mizoram mipuiin tangkai taka an hman a duhsak thu a sawi a. Hawnnaah hian mi pawimawh tak takte bakah Zonal Manager Kolkata leh Guahati a tangin an rawn tel bawk a ni.