Mizoram sawrkar chuan India state danga thlalai thlanchhuah, kum 18 leh 30 inkar rual te chu,  Know India Programme(KIP) Mizoram Leg atan a mikhual dawn a. Naktuk hian heng thlairualte hi an rawn thleng dawn a, Mizoramah  ni 4 chhung hun an hmang dawn a ni.

KIP hi Ministry of External Affairs, Government of India bultum a ni a. KIP hi India ram chhunga thlalai rual ten  India ram bung hrang hrangte an hriatchian zual zawk nana sawrkar hmalakna a ni. Tun tuma KIP-ah hian thlai 40 rual zet an rawn tel dawn a. Mizorama an cham chhungin Aizawl khawpui chhehvela hmun thenkhatte,  khualzinte tana han tlawh remchang lai leh  Aizawl khawpui chhunga Emporium thenkhat an tlawh dawn a. College zirlaite leh zirtirtute nena inkawmna hun te hmangin Governor pawh an kawm dawna. KIP hun kharnah sawrkar mi pawimawhte nen Cultural Evening an hmang dawn bawk a ni.