4341/2023-2024

Dated Aizawl, the 26th Vau Thla 2024: Vawiin chawhma dar 11 khan Mizoram Journalist Association (MJA) chuan General Conference vawi 50-na chu DIPR Lianchhiari Run Conference Hall Aizawlah  an nei a. Pi Betsy Zothanpari Sailo, Addl Secretary Govt. Mizoram chuan a hman pui a. District hrang hrang atangin MJA memberte ko kim takin an kal khawm a ni.

 Pi Betsy Zothanpari Sailo chuan, Chanchinbu mite pawimawhna sawiin, mipuite sukthlek hriltu te an nih theih avangin Anmahni pawh, kawng hrang hrang a inchher hriam leh zual turin a fuih a. Thulai la taka investigative journalism lamah tan la leh zual tur a a sawm bakah; ram leh hnam mawina tura zau zawka chanchin lawmawm lam te chu theih darh uar zual turin a chah a ni.

Conference-ah hian Pu C. Lalrambuatsaiha, President, MJA General Headquarters pawhin thu sawiin, Pawl nih phung leh pawl mite infuih tharna neih pahin, RTI hman uar leh zual a tul thu a sawi bawk a ni. Hemi hnu hian MJA hruaitute atangin, Pu Lalrinmawia Sailo, General Secretary chuan kum 2023 leh 2024 inkara General Report pein, Pu C. Lalhmachhuana, Treasurer, General Headquarters chuan Financial Report a pe nghal bawk.

Conference-ah hian, Kum 2023 leh 2024 inkara MJA member boral ta te sunna  neih nghal niin, hemi hnu hian Pu Joseph Lalnuntluanga, Secretary, MJA General Headquarters chuan lawmthu sawina neiin hun tawp a khar a ni.