Pu Chairman; Director leh Officers, I≺ journalist duhawm tak tak te leh vawiina he hun pawimawh tak hmang tura lo kal zawng zawngte in zavaiin chibai ka buk a che u. A hmasain duhsak taka chief guest a min sawm avangin lawmthu ka sawi tak meuh meuh e.
Khawvel thang chho zelah media pawimawhna leh mawhphurhna a zual zel a, Mizo hnam tlemte ziak leh chhiar thiam tamna ramah phei chuan chanchinbute hian pawimawhna leh tangkaina an nei thuk êm êm a ni. Print leh visual media te hi khawvel tukverha min dahchhuah tirtu a ni.
Communication technology a lo thang a, keini ram kilkhawr atang pawhin khawvel hmun hrang hranga thil thleng chi hrang hrangte kan hmuin kan chhiar zung zung thei tawh a ni. Chutiang chu kan tunlai media nihphung a nih tawh avangin thil tangkai tak a ni a, hmangsual duh tan erawh chuan hmanraw hlauhawm tak a tling a ni.
Media te hi sorkar khalh ngiltu leh mipuite hriat tura sorkar hmalaknate puangdarhtu in nih avangin in thuchhuah te chu a lai tha em tih te bih ngun a ngai hle. Tute emaw tihhmingchhiat duh hrim hrim avangin thu belhchian dâwl tawk lo te pawh chhuah theih a ni. A nih loh vek pawhin tute emaw lak atanga engemaw beisei neih vangin hman khawloh theih a ni bawk.
Chutiang thil chi hrang hrang lak atang chuan media te kan inthiarfihlim a pawimawh hle mai. Media te hi thudik chhuahtu in nih avangin in tan mar pât reng a ngai a, tha thlah a thiang ve lo a ni.
Khawtlang nun siamthatnan chanchin thar thehdarhtute hi ban pawimawh tak an ni tih kan hai awm lo e. Thil tha tak pawh hi mipui vantlang hriat tura puanzar a nih loh chuan a thamral ve leh mai thin. Amaherawhchu media atanga phurpuina a awm erawh chuan nasa takin hna a thawk thei a ni. Chu in pawimawhna chu vawiina lo kalkhawm zawng zawngte hian in hriat sa mah ni se ka sawi ri ve leh duh a ni.
Vawiina thunawna ka neih leh duh chu faina chungchang hi a ni. Hun engemaw atang khan Mizote hian faina kan ngaipawimawh sawt hle tih a hriat a. Chumi lo lanchhuahna chu kan khawlaiah hian a ni. Vawiinah chuan khawlaia bawlhhlawh paih mai mai te kan lo hreh ta a, motor atanga bawlhhlawh han paihchhuah mai te pawh hmuh tur a vâng ta hle a, a lawmawm hle. Mahse hetah hian kan duh tawk mai tur a ni lo. Tih tur tam tak kan la nei a ni.
In tin hian bawlhhlawh bâwm kan nei theuhin a rinawm a, kan bawlhhlawhte hi pawngpaw paih ngawt lovin, tawihral thei leh tawihral theiloah te thliar hrangin bawm hranah paih thei ila a duhawm hle. Chutianga kan kal chhoh bek bek chuan nakin lawkah Mizoram fai tak kan la siam ngei ang. Ram hian hma a sawn dawn chuan mipui tanrual a ngai a ni.
Thil pawimawh tak mai pakhat ka sawi leh duh chu chi leh chi inkara buaina lo chhuak thin chungchang hi a ni. Mizo society hi a nuam kan tiin kan zalên tlang hle a, he kan zalenna hi Mizote min phuarkhawmtu pawimawh tak a ni reng a ni.
Amaherawh chu Mizote hian zir tur kan nei vein ka hre thin. Kan thenawmah hian hnam hrang hrangin min hual a, mahse heng mite nen hian thu inhmuh loh chang kan nei fo mai a. Heng kan thenawmte nena boruak tha lo kan inkara a lo chhuah palh changin dik leh dik lo pawh ngaihtuah lovin kan pawng tâl chang a awm thin a, a pawi hle a ni. Tul lovah nu nau pawisawilo tam takin an tuar a, eizawnna leh nunphung a buai a, a tuartu chu miretheite an ni thin. Hemi kawngah hian kan thanharh a hun ta hle.
Keimahni leh keimahniah ringawt pawh hian han inenlet ta ila. Khawi veng tlangval emaw chuan veng dangah tawhsual a tawk palh a, ngaihtuahna fim pawh hmang zo lovin veng leh veng kan inep fo mai te hi zahthlak lam rawngkai a tling a ni. Kan ngaihtuahna hian kan vêng hi pêl se la, khawvel pumpui kan ngaihtuah thleng zo lo a nih pawhin a zim berah Mizoram tal i ngaihtuah thin ang u.
Silchar-ah misual tute emaw awm that duh loh vangin emaw khawchhak lam atanga lo tla thla tute emaw suahsualna avangin mipui thinrim sosang kan che ta mai thin te hi a pawi hle. Hetiang hunah te hian media pawimawhna a lo lang thin. Buaina tipunlun lo zawng leh mipui thinrimna tikiang zawnga thu kan chhuah a pawimawh thinin ka hria. Mizoram hi state puitling kan ni a, sorkar a awm a, mahni duhdan ang anga tal mai lo leh sorkar zai ngaia mipuite pawh awm tura zirtir hi a pawimawh hle a ni.
A tawp bera ka sawi duh chu vawiina lo kalkhawmte hi Mizoram Journalist Association zahawmna vawngtute in ni. Hruaitu tha tak mai kaihhruaina hnuaiah Mizoram Journalist Welfare Fund te buaipui chhoh a han ni a, hengte hi in hruaitute fel vang leh inpekna vang liau liau a ni tih hi ka sawi duh a ni. Vawiina in hruaitute hian entawn tlak tak tak thil tam tak an hnutchhiah che uin ka hria, chu chu MJA member zawng zawngte hian chhawmnung zel turin duhsakna ka hlan che u a ni e.
In zavaia chungah ka lawm e.
Communication technology a lo thang a, keini ram kilkhawr atang pawhin khawvel hmun hrang hranga thil thleng chi hrang hrangte kan hmuin kan chhiar zung zung thei tawh a ni. Chutiang chu kan tunlai media nihphung a nih tawh avangin thil tangkai tak a ni a, hmangsual duh tan erawh chuan hmanraw hlauhawm tak a tling a ni.
Media te hi sorkar khalh ngiltu leh mipuite hriat tura sorkar hmalaknate puangdarhtu in nih avangin in thuchhuah te chu a lai tha em tih te bih ngun a ngai hle. Tute emaw tihhmingchhiat duh hrim hrim avangin thu belhchian dâwl tawk lo te pawh chhuah theih a ni. A nih loh vek pawhin tute emaw lak atanga engemaw beisei neih vangin hman khawloh theih a ni bawk.
Chutiang thil chi hrang hrang lak atang chuan media te kan inthiarfihlim a pawimawh hle mai. Media te hi thudik chhuahtu in nih avangin in tan mar pât reng a ngai a, tha thlah a thiang ve lo a ni.
Khawtlang nun siamthatnan chanchin thar thehdarhtute hi ban pawimawh tak an ni tih kan hai awm lo e. Thil tha tak pawh hi mipui vantlang hriat tura puanzar a nih loh chuan a thamral ve leh mai thin. Amaherawhchu media atanga phurpuina a awm erawh chuan nasa takin hna a thawk thei a ni. Chu in pawimawhna chu vawiina lo kalkhawm zawng zawngte hian in hriat sa mah ni se ka sawi ri ve leh duh a ni.
Vawiina thunawna ka neih leh duh chu faina chungchang hi a ni. Hun engemaw atang khan Mizote hian faina kan ngaipawimawh sawt hle tih a hriat a. Chumi lo lanchhuahna chu kan khawlaiah hian a ni. Vawiinah chuan khawlaia bawlhhlawh paih mai mai te kan lo hreh ta a, motor atanga bawlhhlawh han paihchhuah mai te pawh hmuh tur a vâng ta hle a, a lawmawm hle. Mahse hetah hian kan duh tawk mai tur a ni lo. Tih tur tam tak kan la nei a ni.
In tin hian bawlhhlawh bâwm kan nei theuhin a rinawm a, kan bawlhhlawhte hi pawngpaw paih ngawt lovin, tawihral thei leh tawihral theiloah te thliar hrangin bawm hranah paih thei ila a duhawm hle. Chutianga kan kal chhoh bek bek chuan nakin lawkah Mizoram fai tak kan la siam ngei ang. Ram hian hma a sawn dawn chuan mipui tanrual a ngai a ni.
Thil pawimawh tak mai pakhat ka sawi leh duh chu chi leh chi inkara buaina lo chhuak thin chungchang hi a ni. Mizo society hi a nuam kan tiin kan zalên tlang hle a, he kan zalenna hi Mizote min phuarkhawmtu pawimawh tak a ni reng a ni.
Amaherawh chu Mizote hian zir tur kan nei vein ka hre thin. Kan thenawmah hian hnam hrang hrangin min hual a, mahse heng mite nen hian thu inhmuh loh chang kan nei fo mai a. Heng kan thenawmte nena boruak tha lo kan inkara a lo chhuah palh changin dik leh dik lo pawh ngaihtuah lovin kan pawng tâl chang a awm thin a, a pawi hle a ni. Tul lovah nu nau pawisawilo tam takin an tuar a, eizawnna leh nunphung a buai a, a tuartu chu miretheite an ni thin. Hemi kawngah hian kan thanharh a hun ta hle.
Keimahni leh keimahniah ringawt pawh hian han inenlet ta ila. Khawi veng tlangval emaw chuan veng dangah tawhsual a tawk palh a, ngaihtuahna fim pawh hmang zo lovin veng leh veng kan inep fo mai te hi zahthlak lam rawngkai a tling a ni. Kan ngaihtuahna hian kan vêng hi pêl se la, khawvel pumpui kan ngaihtuah thleng zo lo a nih pawhin a zim berah Mizoram tal i ngaihtuah thin ang u.
Silchar-ah misual tute emaw awm that duh loh vangin emaw khawchhak lam atanga lo tla thla tute emaw suahsualna avangin mipui thinrim sosang kan che ta mai thin te hi a pawi hle. Hetiang hunah te hian media pawimawhna a lo lang thin. Buaina tipunlun lo zawng leh mipui thinrimna tikiang zawnga thu kan chhuah a pawimawh thinin ka hria. Mizoram hi state puitling kan ni a, sorkar a awm a, mahni duhdan ang anga tal mai lo leh sorkar zai ngaia mipuite pawh awm tura zirtir hi a pawimawh hle a ni.
A tawp bera ka sawi duh chu vawiina lo kalkhawmte hi Mizoram Journalist Association zahawmna vawngtute in ni. Hruaitu tha tak mai kaihhruaina hnuaiah Mizoram Journalist Welfare Fund te buaipui chhoh a han ni a, hengte hi in hruaitute fel vang leh inpekna vang liau liau a ni tih hi ka sawi duh a ni. Vawiina in hruaitute hian entawn tlak tak tak thil tam tak an hnutchhiah che uin ka hria, chu chu MJA member zawng zawngte hian chhawmnung zel turin duhsakna ka hlan che u a ni e.
In zavaia chungah ka lawm e.
