2460/2024-2025

Siaha the 10th October 2024: Vawiin khan Mizoram Journalists’ Association General Headquarters leh Mizoram Police tangkawp chuan ‘Seminar on Cyber Crime’ chu I&PR Hall, Siaha ah an buatsaih a, Dr. K Beichhua, MLA Siaha bialtu chuan Khuallian niin he hun hi a hmanpui.

Khuallian Dr. K Beichhua  chuan thu sawiin, MJA te leh Mizoram Police te tangkawpin tunlaia hluar tak leh pawimawh tak Cyber Crime chungchang inzirtirna Seminar, Siaha-ah ngei an buatsaih chu ropui ti hlein lawmthu a hrilh a ni. Journalist-te chu mi pawimawh tak; sawrkar leh mipui inkara palai hna thawktu an ni a ti a, vawiina kalkhawmte chu cyber crime chungchang an ngaihthlak tak te a hretu mai nilova, mipui tam zawkin an lo hriat ve nan puangzartu ni zel turin a chah bawk.

Seminar on Cyber Crime, vawiina neih zawh tak hi Pu C. Lalrambuatsaiha, President, MJA, General Hqrs chuan a kaihruai a, Pu CZ Hluna President MJA Siaha chuan inlawmna thu sawiin Pu K. Zothanpara, General Secretary, MJA General Hqrs. leh Pu B. Vanlalhriata, Secretary, MJA Siaha District ten report an pe bawk. Pu Jeremia Vanlalhmachhuana, DSP, Cyber Crime leh Pu Joseph Lalhnehzela SI Cyber Crime te chuan zirtirna a pe a, zawhna leh chhanna hun hman a ni bawk. He hunah hian Siaha khaw chhunga NGO pawl hrang hrang aiawh, MSO, MTP leh Siaha Police te an tel a ni.