5018/2025-2026

Dated Aizawl: the 27 March, 2026: Vawiin khan Mizoram Journalist Association (MJA) chuan I&PR Auditorium, Treasury Square-ah, kum 2026 General Conference an hmang a. Pu Ramchuana, Secretary Finance Department chuan khuallian niin a hmanpui a ni.

He hunah hian khuallian, Pu Ramchuana, Secretary, Finance Department chuan thu sawiin, MJA-ten 2026 General Conference an hmang thei chu lawmawm a tih thu a sawi a. Chanchinbumite pawimawhna chu hrethiam a, an hmasawnna atana sawrkar hmalakna hrang hrangte tarlangin, thawhhona tha tak an neih zel a beisei thu a sawi a. MJA chu pawl hlun leh pawimawh tak a ni tih sawiin, a chhunga pawl mite pawh, ram rawngbawlna hna pawimawh tak chelhtute leh thil thlengte thlifim a, mipuite hriatna tizautu an ni tih inhre reng turin a chah a. Khawvel changkang zelah, Chanchinbu hlutna chu an kutah a awm tlat tih hre reng tura fuihin, Conference chu inhlan thar leh intuai thar nan te, hlim leh hlawkthlak taka hmang theuh turin duhsakna a hlan nghal bawk a ni.

MJA General Conference Chawhma inkhawm hi Pu C. Lalhmachhuana, MJA Gen.Hqrs Vice President-in kaihruaiin, kalkhawmte lawmna thu a sawi a. Pu K. Zothanpara, GS, Gen.Hqrs hnen atangin Kum  2025-26 inkara pawl inrelbawl dan General report ngaihthlak niin, Pu Lalrinmawia Sailo, Gen.Hqrs  Treasurer hnen atangin sum hman dan report ngaihthlak a ni a. Pu C. Lalrambuatsaiha, MJA  President-in thusawiin, Pension thlahna hun a kaihruai nghal a. Nikum, 2025 December ni 25-a MJA  member boral ta, Ezrela Dalidia Fanaipari Fanai sunna hun hman a ni a. Pu Lalnunzira Chawngthu  Secretary, Gen.Hqrs chuan lawmthu sawiin chawhma hun hi a khar a ni. Chawhnu lamah hian rorel leh kum 2026-28  atana MJA hruaitu thar turte thlanna hun hman nghal a ni.