MJA Kolasib District Executive Meeting vawiin ah an office Project Veng a neihah chuan tun hnaia Kolasib D.C. Pi Niharika Rai hmalakna-a Cachar mite nena inunauna thlentir nana Friendly Football match Silchara neih chu thil lawmawm leh chhinchhiah tlak a ni an ti.

Kumin 2012-a a hmasa ber atana MJA Executive Meeting hi an pawl President Pu S.Lalhmachhuana’n a kaihruai a. Tunhnai a I&PR buatsaih “Practising Journalism” Workshop Saiha a neih pawh thlirlet in member kal pathum Tv. S.Lalrinawma, Tv. H.Lalmuanpuia leh Tv. Zepuia ten report an pe a. Workshop an hlawkpui zia leh zawngchhang tlak an tih thu an sawi a ni. Tunhnaia Kolasib XI leh Silchar XI ten Friendly Football match an khel chu ngaihtuahna fing tak a ni tiin D.C. chunga an lawmthu pawh an sawi a. A takin state pahnihte inkarah inthian thatna thleng zel se, an ti a ni.