Nimin khan MJA Gen. Hqrs thuchhuak angin MJA Lawngtlai District chuan kum 2018-2019 chhunga hruaitu tur thlangin, resolution pakhat an pass nghal bawk.
He inthlan hi Lawngtlai DIPRO Pu C. Lalhruaitluanga kaihhruaina hnuaiah tluang taka neih a ni a. Kum 2018-2019 chhung atana hruaitu an thlante chu President-ah Pu ZD Dengngura, Editor, Phawngpui Express; Vice President-ah Pu Lalngheta Ralte, Editor, The Lawngtlai Post/DDK Stringer leh Treasurer-ah Pu C. Zathianga, Joint Editor, The Lawngtlai Post te an ni a. Office Bearer post dang hnawh khah tur chu President-in a la ruat leh dawn a ni.
Nimina MJA Lawngtlai te'n inthlanna an neih zawha meeting an neihah resolution siamin, 'Mipui hamthatna atana sawrkar laipui hma lakna hrang hranga a hna thawh leh a hma lakna te mipui hnenah a tam thei ang bera media kal tlanga puanzar a nih theih nan sawrkarin hma la rawh se,' tih chu lungrual takin an pass bawk a ni.
